O primeiro libro da «Triloxía dos Tres Corpos», o fenómeno editorial chinés que conquistou o mundo e gañou o premio Hugo 2015 á mellor novela.
O problema dos tres corpos é a primeira novela non escrita orixinariamente en inglés galardoada co premio Hugo, o Nobel do xénero da ciencia ficción.

O seu autor, Cixin Liu, foi considerado o gran descubrimento do xénero e é capaz de vender catro millóns de exemplares soamente en China e de facerse con prescritores da talla de Barack Obama, quen seleccionou O problema dos tres corpos como unha das súas lecturas do Nadal de 2015, e Mark Zuckerberg, que o converteu na primeira novela do seu club de lectura.

O público e a crítica dos cinco continentes réndense diante desta obra mestra, enormemente visionaria, sobre o papel da ciencia nas nosas sociedades, que nos axuda a comprender o pasado e o futuro de China, pero tamén, lida en clave xeopolítica, do mundo en que vivimos.

A crítica dixo...
«Unha novela reveladora... Non a perdas»
Kirkus Reviews

«Unha ambiciosa obra de ciencia ficción cunha imaxinación salvaxe»
Nature Physics

«China lanza unha invasión sci-fi coa publicación deste libro»
The Wall Street Journal

«Unha obra no máis puro estilo do gran mestre Arthur C. Clarke»
The New York Times

«Un gran merecedor do premio Hugo, que abre a ciencia ficción chinesa ao mundo»
Science

Primeiro libro dunha triloxía, O problema dos tres corpos, empeza no contexto da Revolución Cultural chinesa, cando un proxecto militar secreto envía sinais ao espazo para contactar con extraterrestres. Axiña, unha civilización alieníxena ao bordo da destrución capta o sinal e comeza a planear o seu desembarco na Terra. Durante as décadas seguintes, comunícase a través dun insólito método: un estraño videoxogo virtual impregnado de historia e filosofía. Pero a medida que os alieníxenas empezan a lles gañar aos xogadores terrícolas, fórmanse distintos bandos, uns dispostos a dar a benvida a eses seres superiores e axudalos a facerse cargo dun mundo tan corrupto, e outros preparados para loitar contra a invasión. O resultado é unha experiencia tan auténtica como reveladora sobre o noso tempo.

1º-2º BAC

Formación Profesional