É época de fame no Rif. Unha familia deixa a súa casa e emprende o éxodo cara a Tánxer en busca dunha vida mellor. Pero a crueldade dun pai violento obriga o pequeno Mohamed a fuxir de casa. É o camiño da aprendizaxe. Sofre a fame, o medo e a violencia nas duras rúas de Tánxer e Tetuán. Nas noites pasadas baixo as estrelas, probará o sabor do sexo e a amargura da prisión. Unha xeografía de miseria onde medrar é descubrir a dor, a inxustiza e a compaixón.

A crueza e audacia literaria desta novela autobiográfica consagrou a Mohamed Chukri como unha das voces imprescindibles da literatura magrebí contemporánea. Esta obra de culto, prohibida durante case dúas décadas nos países árabes, publícase agora por primeira vez na versión revisada polo autor.

1º-2º BAC

Formación Profesional