Un suposto milagre na parroquia de Santa Mariña podería deter as obras da autoestrada e impedir a expropiación dos veciños, mais hai posturas enfrentadas no asunto e así, Anselmo -un garda xurado que soña con ser detective- terá que pescudar no acaecido ó tempo que procura mellorar a súa aburrida existencia. Pero a verdadeira protagonista desta historia é unha pequena figuriña apousada nun altar caseiro: a Santa Matriusca; e ó seu redor conxúganse diversos personaxes e moitas historias que se mesturan e se complementan, un xogo de bonecas rusas á procura de amosar que, malia as nosas diferencias, todos temos as mesmas ilusións e os mesmos medos.