Unha guía para mellorar as túas relacións, da man de María Esclapez, a psicóloga e divulgadora que arrasa en redes.

Un vínculo tóxico é aquel que xera malestar. Algo tóxico, como indica o seu nome, é algo malo ou daniño para nós. Con este libro poderás detectar as situacións daniñas ou tóxicas que poidan darse nas túas relacións e aprenderás a poñer límites para o teu benestar,reforzando así a túa autoestima.

Porque che quero, pero primeiro quérome a min.

«Eu pasei por numerosas relacións tóxicas e sufrín dependencia emocional. Durante moito tempo, ignorei aquela voz no meu interior que me dicía que as cousas non ían ben. Dábame medo mirar dentro de min, polo que puidese atopar. Así que fun calando a esa voz ata facela desaparecer.

Quizais ti sospeitas que as cousas non van ben e que o que vives nas túas relacións de parella pode non ser o normal. Mesmo pode ser que o teñas claro e queiras saber como saír diso. Se decidiches escoitar esa voz da que che falaba, este libro é para ti.»

María Esclapez, psicóloga clínica, sexóloga e terapeuta de parellas, convídache a construír relacións sas e mellorar as que xa tes a través de exercicios prácticos, exemplos sacados de consulta e reflexións. Dá igual en que punto esteas, nunca é demasiado pronto nin demasiado tarde para aprender a ser consciente das túas vivencias, quererche e valorarche, primeiro como persoa e logo como parella.

Porque che quero, pero primeiro quérome a min.

Que atoparás neste libro?
-Anécdotas, experiencias da autora e situacións extraídas de casos reais en consulta.
-Radiografías de conversacións de Whatsapp que poderiamos atopar no noso día a día para axudarnos a tomar conciencia de dinámicas tóxicas que poden darse nas nosas conversacións habituais.
-Outros materiais gráficos, esquemas e ilustracións para facilitar a comprensión do texto.
-Propostas para poñer en práctica e sacar o maior partido ás túas relacións.